“Real Madrid”in və Türkiyə millisinin futbolçusu Arda Gülər Vinçenso Montellanın yığmanın baş məşqçisi vəzifəsindən ayrılmasına münasibət bildirib.
İdman.Biz xəbər verir ki, 21 yaşlı futbolçu sosial şəbəkə hesabında keçmiş baş məşqçisinə təşəkkür edib.
“Mister, hər şey üçün sizə təşəkkür edirəm. Etimadınız və dəstəyiniz mənim üçün hər zaman çox dəyərli olub. Türkiyə millisində birlikdə unudulmaz anlar yaşadıq. Bu gözəl xatirələrə görə sizə həmişə minnətdar olacağam.
Sizinlə işləmək çox xoş idi. Gələcək fəaliyyətinizdə sizə və məşqçilər heyətinizə uğurlar arzulayıram”, - deyə Gülər yazıb.
Qeyd edək ki, Montella 2023-cü ilin sentyabrında Türkiyə millisinin baş məşqçisi təyin olunub. Onun rəhbərliyi altında komanda AVRO-2024-ün 1/4 finalına yüksəlib və həmin mərhələdə Niderlanda 1:2 hesabı ilə məğlub olub. Son dünya çempionatı və Millətlər Liqasında Türkiyə millisinin uğursuz çıxışından sonra Türkiyə Futbol Federasiyası Montella ilə yollarını ayırıb.
