İngiltərə millisinin futbolçusu Entoni Qordon UEFA Millətlər Liqasında Çexiya üzərində 2:0 hesablı qələbəni dəyərləndirib.
İdman.Biz xəbər verir ki, qarşılaşmada hesabı açan Qordon komandasının oyuna nəzarət etdiyini, lakin daha çox qol vurmalı olduğunu bildirib.
“Düşünürəm ki, yaxşı və dominant oyun göstərdik. Sonda daha çox qol vurmalı idik. Son 30 dəqiqədə kifayət qədər üstünlüyümüz var idi. Üzərində işləməli olduğumuz bir neçə məqam var. Dominant olmalı, rəqibə imkan verməməli və oyunları tamamilə öz xeyrimizə bitirməliyik”, - Qordon deyib.
