Madrid “Real”ı “Santyaqo Bernabeu” stadionuna İspaniyanın, muxtar vilayətlərin və ölkənin şəhərlərinin bayraqlarının gətirilməsinin qadağan edildiyi barədə yayılan məlumatları təkzib edib.
İdman.Biz xəbər verir ki, klubun rəsmi saytında yayımlanan açıqlamada bu iddiaların həqiqətə uyğun olmadığı bildirilib.
“Bu, yalandır. Klubun qaydaları qüvvədə olan qanunvericiliyin tələblərinə uyğundur və təbii ki, belə məhdudiyyətlər nəzərdə tutmur. Biz həmişə stadiona ölkəmizin rəsmi bayraqlarının gətirilməsinə icazə vermişik”, - deyə açıqlamada qeyd olunub.
Beləliklə, “Real” yayılan məlumatları təkzib edərək, stadionda qüvvədə olan giriş qaydalarında belə bir qadağanın olmadığını vurğulayıb.
Qeyd edək ki, “Real” sentyabrın 8-də Çempionlar Liqasının ümumi mərhələsinin birinci turunda evdə “İnter”lə qarşılaşacaq. “Santyaqo Bernabeu”da keçiriləcək görüş Bakı vaxtı ilə sentyabrın 9-na keçən gecə saat 00:00-da başlayacaq.
