Niderlandın “Tvente” futbol klubu UEFA Konfrans Liqasının pley-off mərhələsində “Qarabağ”la cavab oyunu üçün Bakıya yola düşüb.
İdman.Biz xəbər verir ki, Con van den Bromun rəhbərlik etdiyi kollektiv avqustun 26-da Tofiq Bəhramov adına Respublika stadionunda son məşqini keçirəcək. Məşqdən əvvəl komandanın mətbuat konfransı təşkil olunacaq.
“Qarabağ” – “Tvente” cavab oyunu avqustun 27-də keçiriləcək. İlk görüşdə Azərbaycan çempionu səfərdə 1:0 hesabı ilə qalib gəlib.
