"Mançester Yunayted" kolumbiyalı yarımmüdafiəçi Kristian Oroskonu transfer edib.
İdman.Biz bildirir ki, bu barədə İngiltərə klubunun mətbuat xidməti məlumat yayıb.
18 yaşlı futbolçu "Roxo" Akademiyasının yetirməsidir. Ötən mövsüm Orosko Kolumbiya yüksək divizionunda əsas komanda olan "Fortaleza"da beş oyun keçirib və eyni zamanda Kolumbiya U-17 milli komandasına müntəzəm olaraq çağırılıb.
Qeyd olunur ki, kolumbiyalı futbolçu İngiltərədəki adaptasiya dövründə əvvəlcə "Mançester Yunayted" Akademiyasında məşq edəcək. Klub yarımmüdafiəçinin tədricən əsas komandaya cəlb olunmazdan əvvəl rahat şəkildə uyğunlaşması üçün bütün lazımi şəraiti təmin edəcək.
