Baş məşqçi Joze Mourinyonun rəhbərliyi altında “Benfika” Portuqaliya liqasında mövsümü məğlubiyyətsiz başa vurub.
İdman.Biz bildirir ki, son oyunda Lissabon klubu “Eştoril”i 3:1 hesabı ilə məğlub edib.
“Benfika” 34 liqa matçında 23 qələbə qazanıb və 11 heç-heçə edib. Avropada başqa heç bir klub 2025/26 mövsümünü daxili oyunlarda məğlubiyyətsiz başa vura bilməyib. “Benfika” yekun turnir cədvəlində 80 xalla üçüncü yeri tutub - çempion “Porto”dan (88) səkkiz xal geri qalıb.
