Malidə yerli cadugər Karamoqo Sinayoko milli komandanın Afrika Millətlər Kubokunun dörddəbir finalında Seneqala 1:0 hesabı ilə məğlub olmasından sonra həbs edilib.
İdman.Biz bu barədə “The Sun” qəzetinə istinadən bildirir.
Mali azarkeşləri cadugərə komandanın qələbə qazanmasına kömək etmək üçün mənəvi güclərindən istifadə edəcəyinə söz verdiyi üçün təxminən 30.000 funt sterlinq ödəyiblər. Məğlubiyyətdən sonra təxminən 100 qəzəbli azarkeş yalançı “peyğəmbər”in evini daşa basıb və hadisə yerinə polis çağırılıb. Polis hadisə yerinə çatdıqdan sonra Sinayokonu fırıldaqçılıqda ittiham edərək həbs edib. İş ölkənin kibercinayətkarlıqla mübarizə bölməsi tərəfindən araşdırılır.
Hazırkı Afrika Millətlər Kuboku çempionu Kot-d'İvuar 2023-cü il finalında Nigeriyanı 2:1 hesabı ilə məğlub edib.
