“Brayton”un yarımmüdafiəçisi Ceyms Milner İngiltərə Premyer Liqası tarixində 25 il yarışda iştirak edən ilk oyunçu olub.
İdman.Biz bildirir ki, 40 yaşlı yarımmüdafiəçi 2002-ci ildən bəri Premyer Liqada oynayır. Həmin il o, “Lids”də altı oyuna çıxıb.
2025-ci təqvim ilində Milner 2023-cü ilin yayından üzvü olduğu “Brayton”un heyətində 11 Premyer Liqa matçında iştirak edib. 2026-cı ildə veteran iki oyunda iştirak edib - 20-ci turda “Bernli”yə və 21-ci turda “Mançester Siti”yə qarşı.
Milner 2025/2026 mövsümündə bir qol vurub və bir məhsuldar ötürmə edib. Oyunçu əvvəllər “"Liverpul”, “Mançester Siti”, “Aston Villa” və “Nyukasl”da oynayıb. Milnerin müqaviləsi 2026-cı ilin yayında başa çatır.
