“Barselona”nın baş məşqçisi Hans-Diter Flik kluba gəlişindən bəri transferlərə cəmi 88 milyon avro xərcləyib və İspaniya La Liqasına inamla liderlik etməyə davam edir.
İdman.Biz-in məlumatına görə, komanda 2024/25 mövsümünü qazanıb və hazırda 2025/26 mövsümünə liderlik edir.
Bu arada, “Atletiko Madrid” bu dövrdə transferlərə 364 milyon avro, “Real Madrid” 216 milyon avro, “Vilyarreal” 171 milyon avro və “Betis” 101 milyon avro xərcləyib.
“Barselona” hazırda 2025/26 La Liqa turnir cədvəlində 18 oyundan sonra 46 xalla birinci yerdədir. “Real Madrid” ondan dörd xal geri qalaraq ikinci yerdə qərarlaşıb. “Atletiko Madrid” 37 xalla ilk üçlüyü tamamlayır.
