İtaliya A Seriyasının 15-ci turunun “Atalanta” və “Kalyari” komandaları arasında keçirilən oyun başa çatıb.
İdman.Biz bildirir ki, komandalar İtaliyanın Berqamo şəhərindəki “Stadio Jewiss - Atleti Azzurri d'Italia” stadionunda oynayıblar.
“Atalanta” 2:1 hesablı qələbə qazanıb.
11-ci dəqiqədə “Atalanta”nın hücumçusu Canluka Skamakka komandasına üstünlük qazandırıb. 75-ci dəqiqədə “Kalyari”nin yarımmüdafiəçisi Canluka Qaetano hesabı bərabərləşdirib. 81-ci dəqiqədə Skamakka ikinci qolunu vurub.
“Atalanta” 15 oyundan 19 xal qazanıb və turnir cədvəlində 11-ci yerə yüksəlib. “Kalyari” 14 xalla 15-ci yerdədir.
23:08
İtaliya A Seriyası mövsümünün 15-ci turunun “Parma” və “Latsio” komandaları arasında keçirilən oyun başa çatıb.
İdman.Biz bildirir ki, komandalar “Stadio Ennio Tardini”də (Parma) qarşılaşıblar. Qonaqlar 1:0 hesablı qələbəni qeyd ediblər.
82-ci dəqiqədə hücumçu Teyianni Noslin oyunun yeganə qolunu vurub.
Paytaxt klubu mövsüm xallarının cəmini 22-yə çatdıraraq səkkizinci yerə yüksəlib. “Parma” 14 xalla A Seriyasının turnir cədvəlində 17-ci yerdə qərarlaşıb.
Turun digər oyununda isə “Torino” 1:0 hesabı ilə “Kremoneze”yə qalib gəlib.
