Almaniya Bundesliqasının 14-cü turunda “Ayntraxt Frankfurt” və “Auqsburq” komandaları arasında keçirilən oyun başa çatıb.
İdman.Biz xəbər verir ki, “qartallar” 1:0 hesablı qələbə qazanıblar. Qarşılaşma “Frankfurt Arena”da (Frankfurt) baş tutub.
Matçın yeganə qolunu 68-ci dəqiqədə Ritsu Doan vurub.
Bu oyundan sonra “Ayntraxt Frankfurt” 24 xalla Almaniyanın yüksək liqasında beşinci, “Auqsburq” isə 13 xalla 15-ci yerdədir.
Növbəti turda “qartallar” dekabrın 20-də “Hamburq”la, “Auqsburq” isə həmin gün “Verder Bremen”lə qarşılaşacaq.
Paralel keçirilən oyunlarda “Hoffenhaym” “Hamburq”a (4:1), “Volfsburq” “Borussiya Mönhenqladbax”a (3:1), “Sankt-Pauli” isə “Haydenhaym”a (2:1) qalib gəlib.
“Ayntraxt Frankfurt” UEFA Çempionlar Liqasının əsas mərhələsində “Qarabağ”ın rəqibidir. Komandalar 2026-cı il yanvarın 21-də Bakıda oynayacaqlar.
