DÇ-2026-nın seçmə mərhələsi çərçivəsində Xorvatiya Farer adalarını qəbul edib.
İdman.Biz bildirir ki, meydan sahibləri matçda 3:1 hesabı ilə qələbə qazanıblar.
Qonaqların yarımmüdafiəçisi Geza David Turi matçın ilk qolunu 16-cı dəqiqədə vurub. Xorvatiya 23-cü dəqiqədə müdafiəçi Yoşko Qvardiolun vurduğu qolla hesabı bərabərləşdirib. İkinci hissədə meydan sahiblərinin hücumçusu Petar Musa komandasına üstünlük qazandırıb. Nikola Vlaşiç isə 70-ci dəqiqədə hesabı 3:1 edib.
L qrupunda daha bir oyun Cəbəlüttariqlə Monteneqro arasında olub. Qarşılaşma 2:1 hesabı ilə Monteneqronun qələbəsi ilə biitb.
Farer adaları səkkiz oyundan 12 xalla L qrupunda üçüncü yerdədir. Xorvatiya yeddi oyundan 19 xalla turnir cədvəlinin başındadır. Zlatko Daliçin komandası bu qələbə sayəsində 2026-cı il dünya çempionatına vəsiqə qazanıb.
Monteneqronun 9 xalı var, Cəbəlüttariq isə bir xal belə qazanmayıb.
