“Cenoa” klubunun baş məşqçisi Patrik Vieyra komandanın hazırkı nəticələrinə görə vəzifəsindən ayrıla bilər.
Bu barədə İdman.Biz “Football Italia”ya istinadən məlumat verir.
Məlumata əsasən, 3 noyabrda “Sassuolo” və 9 noyabrda “Fiorentina” ilə keçiriləcək matçlar baş məşqçi üçün həlledici ola bilər.
“Cenoa” hazırda üç xalla İtaliya Seriya A turnir cədvəlinin sonuncu pilləsindədir. Bu mövsüm komanda hələ heç bir oyunda qalib gələ bilməyib, üç heç-heçə edib və altı dəfə məğlub olub.
Patrik Vieyra 2024-cü ilin noyabr ayının sonlarında Genuya klubuna rəhbərlik etməyə başlayıb. Onun rəhbərliyi altında komanda ötən mövsüm İtaliya çempionatında 13-cü yeri tutub.
