“Arsenal”ın kapitanı Martin Edeqor “Vest Hem”lə son derbidə dizindən zədə alıb və fasilədən əvvəl əvəzlənib. Ona diz oynağının iç yan bağının zədələnməsi diaqnozu qoyulub.
İdman.Biz-in BBC-yə istinadən verdiyi məlumata görə, norveçli beynəlxalq oyunlar üçün növbəti fasiləyə qədər sıradan çıxıb. Onun noyabrın sonuna kimi meydançalara qayıdışı gözlənilmir.
Edeqor “Fulham”, “Kristal Pelas”, “Brayton” və “Bernli” ilə əsas oyunları, həmçinin “Atletiko Madrid” və “Slavia Praqa” ilə Çempionlar Liqası matçlarını, eləcə də “Sanderlend” ilə Liqa Kuboku matçlarını buraxacaq.
Yeddi turdan sonra Mikel Artetanın heyətində dəfələrlə kadr dəyişikliyinə baxmayaraq, “Arsenal” 16 xalla İngiltərə Premyer Liqasına başçılıq edir.
