Oliver Qlasner sentyabr ayı üçün İngiltərə Premyer Liqasının baş məşqçisi seçilib.
İdman.Biz bildirir ki, Qlasner “Kristal Pelas”la ay ərzində məğlubiyyətsiz seriya keçirib. O, klubun məğlubiyyətsizlik seriyasını bütün yarışlarda 19 matça çatdırıb. “Kristal Pelas” Premyer Liqada ay ərzində məğlub olmayan yeganə komanda olub.
Qlasner, 2020-ci ilin iyulunda “Sauthempton”u çalışdırarkən bunu edən Ralf Hazenhüttldən sonra İngiltərədə ayın baş məşqçisi mükafatını qazanan ikinci avstriyalıdır.
2024-cü ilin fevralında bu vəzifəyə təyin olunan 51 yaşlı avstriyalı həm də 2014-cü ilin aprelində bunu etmiş Toni Pulisdən sonra bu şərəfə layiq görülən ilk “Pelas” baş məşqçisidir.
