Tailandın Phuket şəhərində ağırlıqqaldırma üzrə Dünya Kuboku davam edir.
İdman.biz xəbər verir ki, Paris-2024 Yay Olimpiya Oyunlarına lisenziya xarakterli son turnirdə Azərbaycan millisinin daha bir idmançısı - Ömər Cavadov körpücük üzərinə qalxıb.
O, 73 kq çəki dərəcəsinin C qrupunda yarışıb. Atletimiz toplam 328 kq (153+175) nəticə göstərib. Ömərin yekun sıralamadakı yeri yuxarı qruplardakı çıxışlar başa çatandan sonra müəyyənləşəcək.
Qeyd edək ki, aprelin 11-də başa çatacaq yarışda 121 ölkədən 466 (235+231) atlet mübarizə aparır.
İdman.biz