Macarıstan karyerasını başa vuran voleybolçu Ayşən Abduləzimova maraqlı nailiyyətə imza atıb.
İdman.biz xəbər verir ki, söhbət bir azərbaycanlı idmançının bir xarici klubda oynama müddətindən gedir.
Abduləzimova 2018-ci ildə qoşulduğu Macarıstan "Vaşas"ında ümumilikdə 6 il çıxış edib. Əvvəlcə orada iki mövsüm keçirdikdən sonra blokçu COVID pandemiyası zamanı Türkiyənin "Sarıyer Belediyesi"ndə çıxış edib, daha sonra 2021-ci ildə Macarıstan çempionatına qayıdıb. Bu müddət ərzində Abduləzimova klubun kapitanı və ümumilikdə 5 dəfə Macarıstan çempionatının qalibi olub.
Qeyd edək ki, cari mövsüm bitincə voleybolçumuz "Vaşaş"dan ayrılmaq qərarına gəlib.
İdman.biz
