Bu gün “Mingəçevir Reqatası-2023” başa çatacaq.
İdman.biz xəbər verir ki, Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşkilatçılığı ilə keçirilən beynəlxalq turnirin son gündə idmançılar 3 yaş qrupunda mübarizə aparacaqlar.
2005-06, 2007-08, 2009-10-cu il təvəllüdlü avarçəkənlər 200, 500 və 1500 m məsafəyə yarışlarda qalibləri müəyyənləşdirəcəklər. İdmançılar 1 və 2 nəfərlik kayak qayığında güclərini sınayacaqlar.
Həmçinin 2007-08-ci il təvəllüdlü idmançılar ilk dəfə 4 nəfərlik akademik avarçəkmə qayığında nümunəvi çıxışlar nümayiş etdirəcəklər.
Qeyd edək ki, 8 ölkədən 14 komandanın iştirakı ilə keçirilən yarışın hələlik Azərbaycan millisinin hesabında 5 qızıl, 5 gümüş və 5 bürünc medal var.
Emin Ağa
İdman.biz
