Paris-2024 Yay Olimpiya Oyunlarının akademik avarçəkmə yarışları davam edir.
İdman.biz xəbər verir ki, bu gün qadınların 2000 m fərdi yarışında 1/4 final mərhələsi keçirilir.
Azərbaycan idmançısı Diana Dımçenko 3-cü qrupda yarışıb. O, birinci zolaqda avar çəkib. Təmsilçimizin “altılıq”da 4-cü yeri tutub.
Bununla da olimpiyaçımız C/D yarımfinalına yüksəlib. 1/4 final mərhələsində ilk üç yerin sahibi A/B, digər üç olimpiyaçı C/D yarımfinalına vəsiqə qazanıb.
Diana məsafəni 7 dəqiqə 53,76 saniyəyə qət edib. Yovana Arsiç (Serbiya) və Coani Delqadonu (Filippin) qabaqlayan idmançımız Emma Tviq (Yeni Zelandiya), Aureliya-Maksima Katarina Yanzen (İsveçrə) və Virciniya Dias Rivasdan (İspaniya) geri qalıb.
Qeyd edək ki, A/B yarımfinalları avqustun 1-də, C/D yarımfinalları iyulun 31-də keçiriləcək.
İdman.biz
