Keçmiş “Formula-1” pilotu Devid Kulthard Lyuis Hemiltonla Maks Ferstappen arasındakı müqayisəyə münasibət bildirib.
İdman.Biz bildirir ki, Hemilton yeddi, Ferstappen isə dörd dəfə “Formula-1” çempionu olub.
“Hər yeni nəsil sürücü əvvəlkindən daha yaxşıdır. Bu, təkamüldür. Maks və Lyuisin vəziyyətində nəsillər üst-üstə düşürdü, amma aralarında yenə də fərq var. Verstappen çox səmimidir; o, həmişə düşündüyünü deyir. Əgər nədənsə narazıdırsa, sözünü saxlamır və həmişə inandıqlarına əməl edir. Bu baxımdan, mən Lyuisdən daha çox Maksdan xoşum gəlir.
Sürətə gəldikdə isə, müqayisə etmək çətindir. Lyuis öz zirvəsini keçib. Bəli, bunu mənim kimi uğursuz birindən eşitmək qəribədir, amma əla sürücülər həmişə komanda yoldaşları qədər yaxşı çıxış edirlər, bəlkə də daha yaxşı. Hemilton “Mercedes”də son illərində Rasseldən daha yavaş idi və “Ferrari”də Leklerlə bacarmırdı. Dövrə vaxtlarına və finiş nəticələrinə görə, Hemilton yəqin ki, əvvəlki kimi deyil. Amma o, yenə də hörmətə layiqdir.
Ferstappen? Düşünürəm ki, o, hələ zirvəsinə çatmayıb və hələ də inkişaf edir. Onun bacardığı hər şeyi görməmişik. Bu oğlanın nə qədər irəli gedə biləcəyini görmək həqiqətən maraqlıdır”, GPBlog Kultharddan sitat gətirir.
