Özbəkistan hökuməti ölkədə “Formula-1” yarışının təşkilinə maraq göstərir.
İdman.Biz xəbər verir ki, bu barədə tanınmış jurnalist və “Formula-1” mütəxəssisi Co Seyvud özünün sosial şəbəkə hesabında məlumat yayıb.
Onun iddiasına görə, Özbəkistan nümayəndəsi ötən həftə keçirilən Sinqapur Qran-prisində paddok ərazisində görünüb və yarışın ölkədə keçirilməsi imkanlarını müzakirə edib.
Xatırladaq ki, hazırda Asiya qitəsində “Formula-1” mərhələlərinə ev sahibliyi edən ölkələr arasında Bəhreyn, Çin, Yaponiya, Səudiyyə Ərəbistanı, Azərbaycan, Sinqapur, Qətər və Birləşmiş Ərəb Əmirlikləri (BƏƏ) var.
