"Qalatasaray" İtaliya millisinin qapıçısı Canluici Donnarummanın keçidi ilə bağlı onun məxsus olduğu PSJ-yə qeyri-standart təklif irəli sürüb.
İdman.biz xəbər verir ki, bu barədə jurnalist və insayder Rudi Galetti sosial şəbəkə hesabında məlumat yayıb.
Mənbənin bildirdiyinə görə, danışıqlar qeyri-adi bir formula üzərində aparılır: transfer üçün heç bir ödəniş olmayacaq, yalnız gələcəkdə mümkün satışdan əldə ediləcək məbləğ nəzərdə tutulur.
Qeyd olunur ki, bu addım transfer bazarındakı ənənəvi məntiqi poza bilər və futbolçuların maraqlarının təmsil olunması praktikasını sual altına qoya bilər.
Daha əvvəl Donnarummanın transferi üçün "Mançester Siti"nin 15 milyon avro təklif etdiyi, lakin PSJ-nin qapıçını 25-30 milyon avro aralığında qiymətləndirdiyi bildirilmişdi.
İtaliyalı 2021-ci ilin yayında PSJ-yə keçib və onun parislilərlə olan müqaviləsi daha bir il qüvvədədir. Əvvəllər klubla oyunçunun müqavilənin uzadılması ilə bağlı razılığa gələ bilmədiyi barədə xəbərlər yayılmışdı.
İdman.biz
