“Borussiya Dortmund” - Niko Kovaçla yola davam

Dortmund “Borussiya”sı baş məşqçisi Niko Kovaçla müqavilənin müddətinin uzadıldığını açıqlayıb.

İdman.biz xəbər verir ki, tərəflər arasında yeni razılaşma 2027-ci ilə qədər qüvvədə olacaq.

53 yaşlı mütəxəssis ötən qış Dortmund klubunun sükanı arxasına keçib: həmin vaxt komanda Bundesliqada 11-ci pillədə qərarlaşmışdı.

Kovaçın rəhbərliyi altında “Borussiya” ölkə çempionatını dördüncü pillədə tamamlayaraq UEFA Çempionlar Liqasına vəsiqə qazanıb.

İdman.biz