AFFA Hakimlər Komitəsinin sədri Rəhim Həsənov futbol üzrə Misli Premyer Liqasının 10-cu turunun oyunlarındakı mübahisəli epizodları şərh edib.
İdman.Biz xəbər verir ki, bu barədə AFFA-nın mətbuat xidməti məlumat yayıb.
Bildirilib ki, qurum rəsmisi “Kəpəz” - “İmişli” matçında baş hakimin səhv qərar verdiyini söyləyib.
R.Həsənovun sözlərinə görə, “İmişli”nin qolu qaydalar çərçivəsində vurulsa da, qeydə alınmayıb.
Bundan əlavə, sədr “Sumqayıt” - “Şəfa” qarşılaşmasında meydan sahiblərinin oyunçusu İsa Sulimanın təsadüf nəticəsində topa əllə toxunduğunu bildirib.
