“Loqomuzun dəyişdirilməsi ilə bağlı hər hansı rebrendinq prosesinin aparılması gündəmdə deyil”.
Bunu “Qarabağ” futbol klubunun marketinq və komunikasiya departamentinin rəhbəri Anar Hacıyev İdman.Biz-ə açıqlamasında deyib.
O, sosial şəbəkələrdə “Qarabağ” futbol klubunun loqosunun dəyişdiriləcəyi ilə bağlı yayılan müxtəlif iddialara cavab verib.
“İctimaiyyətin və mütəxəssislərin rəylərini hər zaman hörmətlə qarşılasaq da, “Qarabağ” FK loqosunun dəyişdirilməsi nəzərdə tutulmur”, - deyə A.Hacıyev əlavə edib.
Yusif Sadıqlı
