İtaliya çempionatının 10-cu turunda “Milan” doğma meydanda “Roma”nı 1:0 hesabı ilə məğlub edib.
İdman.Biz xəbər verir ki, qələbə qolunu meydan sahiblərinə serbiyalı müdafiəçi Straxinya Pavloviç qazandırıb.
O, 39-cu dəqiqədə portuqaliyalı hücumçu Rafael Leaunun ötürməsini dəqiq zərbə ilə tamamlayıb.
82-ci dəqiqədə “Roma”nın argentinalı hücumçusu Paulo Dibala penaltini qaçırıb və komandasını bərabərlik qolundan məhrum edib.
Qeyd edək ki, “Milan” 21 xalla turnir cədvəlində üçüncü, “Roma” isə eyni xalla dördüncü yerdə qərarlaşıb.
