Bloqçu və boksçu Ceyk Pol sosial media səhifəsində qeyri-adi bir vəd paylaşıb.
İdman.Biz bildirir ki, o, qadınlar arasında britaniyalı dünya boks çempionu Elli Skotninin iki çəki dərəcəsində mütləq dünya çempionu olması halında ona maşın alacağını bildirib.
“Əgər Elli Skotni bu bazar gecəsi tarixin ən gənc mübahisəsiz çempionu (kişi və ya qadın) olarsa, mən ona maşın alacağam. Onun sadəcə lisenziyası olmalıdır!”, - Pol yazıb.
Yazı Skotninin bazar günü, 5 apreldə keçiriləcək döyüşündən əvvəl yayımlanıb. Britaniyalı idmançı Mayeli Flores Roskero ilə qarşılaşacaq. Pol Skotniyə hansı maşın vəd etdiyini açıqlamayıb.
