Azərbaycan boksçusu israilli rəqibinə qalib gəldi, digər təmsilçimiz döyüşmədən mərhələ adladı

18 Noyabr 2026 18:14
48
Azərbaycan boksçusu israilli rəqibinə qalib gəldi, digər təmsilçimiz döyüşmədən mərhələ adladı

Xorvatiyanın Poreç şəhərində keçirilən boks üzrə U-23 Avropa çempionatında Azərbaycan millisinin iki üzvü 1/4 finala vəsiqə qazanıb.

İdman.Biz xəbər verir ki, 60 kq çəki dərəcəsində mübarizə aparan Məhəmmədəli Aşırəliyev 1/8 finalda israilli Abdullah Rahalla üz-üzə gəlib.

Təmsilçimiz rəqibini 5:0 hesabı ilə məğlub edərək növbəti mərhələyə yüksəlib.

50 kq çəki dərəcəsində çıxış edən Bilalhəbaşi Nəzərov isə döyüş keçirmədən 1/4 finala adlayıb. Buna səbəb onun rəqibi, moldovalı Katalin Turkunun çəkisinin normadan artıq olmasıdır. Rəqib döyüşə buraxılmadığından Azərbaycan boksçusu qalib elan edilib.

Qeyd edək ki, noyabrın 16-da start götürən Avropa çempionatına noyabrın 24-də yekun vurulacaq.

İdman.Biz