FIBA Avropa Kubokunda mübarizə aparacaq “Gəncə” basketbol klubu daha bir transferi tamamlamaq üzrədir.
İdman.Biz offsideplus.az-a istinadən xəbər verir ki, Qərb təmsilçisi Nik Ellinqtonla razılığa gəlib.
Basketbol karyerasına ABŞ-nin “Meridian CC”, “Eastern Illinois” və “Murray State” kollec komandalarında başlayan 201 sm boya malik amerikalı forvard/mərkəz oyunçusu Ellinqton hücumdakı dəqiqliyi və müdafiədəki blok imkanları ilə seçilir:
NCAA-də “Murray State Racers” forması ilə məhsuldar çıxış edən Ellinqton, “UIC”yə qarşı matçda 29 xal toplayaraq karyera rekordunu vurub. O, kollec karyerası ərzində 1000 xal həddini aşmağı bacarıb.
O, NJCAA-də oynadığı dövrdə matçbaşına 3.4 blok ortalaması ilə çıxış edib.
“Gəncə” onunla 2026/2027 mövsümünün sonuna qədər müqavilə imzalayıb.
