“Kəpəz” Misli Premyer Liqasının doqquzuncu turunda “Şəfa” ilə keçirəcəyi səfər oyununda azarkeş dəstəyindən məhrum olmayacaq.
İdman.Biz xəbər verir ki, sabah Sumqayıtda baş tutacaq qarşılaşmada Gəncə təmsilçisini 200 azarkeş dəstəkləyəcək.
“Sarı-göylər”in dörd fan-klubu - “Xəmsə”, “Kapaz Ultras”, “Zona-20” və “Cavad xan”ın üzvləri xüsusi ayrılmış avtobuslarla Sumqayıta yollanacaqlar.
Bundan başqa, Bakı və Sumqayıtda yaşayan gəncəli azarkeşlərin də “SOCAR Polymer Arena”da keçiriləcək görüşü tribunadan izləyəcəkləri gözlənilir.
