“Əl-Nəsr”in hücumçusu Kriştianu Ronaldu komandasının Səudiyyə Ərəbistanı Pro-Liqasının 17-ci turunda “Damak” üzərində 2:1 hesablı qələbəsinə özünəməxsus tərzdə şərh verib.
İdman.Biz xəbər verir ki, Ronaldu X sosial media platformasında matçdan fotolar paylaşaraq yazıb: “Çalışmağa, inanmağa, mübarizə aparmağa davam et”.
Portuqaliyalı futbolçu bu matçda peşəkar karyerasında 960-cı qolunu vurub. Ronaldunun 16 liqa oyununda 16 qolu və bir məhsuldar ötürməsi var.
