İtaliya Kubokunda “Roma” və “Torino” arasında keçirilən 1/8 final matçı başa çatıb.
İdman.Biz bildirir ki, Marko Baroninin yetirmələri 3:2 hesablı qələbəni qeyd ediblər.
35-ci dəqiqədə “Torino”nun hücumçusu Çe Adams hesabı açıb. 46-cı dəqiqədə “Roma”nın müdafiəçisi Mario Hermoso hesabı bərabərləşdirib. 52-ci dəqiqədə Adams ikinci qolu vuraraq “Torino”nu irəli çıxarıb. 81-ci dəqiqədə “Roma”nın hücumçusu Antonio Arena yenidən hesabı bərabərləşdirib. 90-cı dəqiqədə yarımmüdafiəçi Emirhan İlkhan “Torino”ya qələbə qazandırıb.
Beləliklə, “Torino” İtaliya Kubokunun dörddəbir finalına vəsiqə qazanıb.
