“Yuventus”"un hücumçusu Duşan Vlahoviç zədə səbəbindən xeyli müddət oynaya bilməyəcək.
İdman.Biz bildirir ki, İtaliya klubu serbiyalı oyunçunun zədəsini rəsmi olaraq açıqlayıb.
Turin komandasının məlumatına görə, oyunçu sol ayağında uzun əzələnin əzələ-vətər birləşməsində ciddi bir cırılma alıb. Bu tip zədə adətən uzun bir sağalma tələb edir.
Oyunçu zədəni A Seriyasının 13-cü turunda “Yuventus”un “Kalyari” ilə oyununda alıb. Turinlilərin 2:1 hesablı qələbəsi ilə başa çatan oyunda hücumçu 31-ci dəqiqədə əvəzlənməli olub.
Bu tip zədənin sağalma müddəti üç aydan beş aya qədərdir. Qarşıdakı tibbi müayinələr Dusan Vlahoviçin sonrakı müalicə planını, o cümlədən mümkün konservativ yanaşma və ya əməliyyata ehtiyac barədə qərarı müəyyən etməlidir.
Serb futbolçunun meydana qayıtması üçün son tarix bu müayinələrin nəticələrindən və sağalma prosesinin gedişatından asılı olacaq.
