Bolqarıstanın kişilərdən ibarət voleybol komandası 2025-ci il dünya çempionatının finalına vəsiqə qazanıb.
İdman.biz xəbər verir ki, yarışın yarımfinalında Filipində bolqarlar Çexiyanı 3:1 (25:20, 23:25, 25:21, 25:22) hesabı ilə məğlub ediblər.
Qeyd edək ki, 1970-ci ildə Bolqarıstan yalnız Şərqi Almaniyaya uduzaraq gümüş medal qazanmışdı. O zaman medallar qrup formatında paylanırdı və final oyunu keçirilmirdi.
Finalda Bolqarıstan İtaliya ilə Polşa arasında qalib gələn tərəf ilə qarşılaşacaq. Sentyabrın 12-də Filipinlərdə start götürən turnir ayın 28-də başa çatacaq. Hazırkı çempion İtaliyadır.
