Azərbaycan yığması Dauqavpils şəhərində 18 yaşadək voleybolçu qızlar arasında Şərqi Avropa Voleybol Zona Assosiasiyasının (EEVZA) çempionatında növbəti oyununu keçirib.
İdman.biz xəbər verir ki, millimiz dördüncü matçında Litva ilə qarşılaşıb.
Əvvəlki 3 oyunda olduğu kimi, voleybolçu qızlarımız yenə də 1 set qazanmadan məğlub olublar. Şahin Çatmanın rəhbərlik etdiyi milli bu dəfə ən yaxşı halda 14 top qazana bilib.
EEVZA çempionatı
IV tur
22 noyabr
Azərbaycan - Litva - 0:3 (7:25, 14:25, 13:25)
Qeyd edək ki, bu, komandamızın ardıcıl 4-cü məğlubiyyəti olub. Yığma daha öncə Latviya, Ukraynaya və Estoniya millilərinə də “quru hesabla” uduzub. Voleybolçular növbəti görüşünü noyabrın 24-də Polşaya qarşı keçirəcək.
İdman.biz
