Qadın voleybolçulardan ibarət “Azərreyl” klubu bu gün Çağırış kubokunda növbəti oyununa çıxıb.
İdman.biz saytı xəbər verir ki, Bakı klubu 1/16 final mərhələsinin İspaniya “Avarka de Menorka”sı ilə ilk qarşılaşmasını doğma divarlar arasında keçirib.
Qarşılaşmaya qonaq komanda yaxşı başlayıb. İlk set ispan təmsilçisinin 25:23 hesablı üstünlüyü ilə yekunlaşıb. Bundan sonra daha diqqətli ilə voleybolçularımız hər üç seti qələbə ilə başa vurublar. Nəticədə "Azərreyl" cavab oyunu öncəsi sərfəli nəticə əldə edib.
Qeyd edək ki, “Azərreyl” 1/32 final mərhələsinin “Balta” (Ukrayna) ilə hər 2 görüşünü 3:0 hesabı ilə xeyrinə bitirib.
Çağırış kuboku
1/16 final, ilk oyun
9 noyabr
19:00. “Azərreyl” (Azərbaycan) – “Avarka de Menorka” (İspaniya) - 3:1 (23:25, 25:15, 25:19, 25:23)
Hakimlər: Deniz Demir (Türkiyə), Miryana Qaliç (Serbiya)
Bakı. Voleybol Mərkəzi
İdman.biz
