Qadınlar Tennis Assosiasiyası (WTA) və Beynəlxalq Tennis Federasiyası (ITF) idmançıların sosial mediada təhqir olunmasının miqyası ilə bağlı hesabat dərc ediblər.
İdman.biz xəbər verir ki, təşkilatlar "Threat Matrix от Signify Group" xidmətinin məlumatlarını təqdim ediblər.
Bu xidmət 2024-cü ilin yanvarından bəri tennisçiləri və onların ailə üzvlərini internetdə zorakılıqdan qorumaq üçün fəaliyyət göstərir. Xidmət süni intellektdən istifadə edir və əsas sosial media platformalarında mövcuddur.
O, WTA və ITF World Tennis Tour, eləcə də "Böyük Dəbilqə" turnirlərində çıxış edən təxminən 8300 tennisçinin səhifələrində mesaj və şərhləri təhlil edib.
2024-cü ildə "Threat Matrix" tennisçilərin sosial şəbəkə hesablarındakı 1,6 milyon mesaj və şərhi araşdırıb. 4200 hesabdan yazılan təxminən 8000 şərh təhqiramiz və ya təhdid xarakterli hesab edilib. Ən ciddi təhdidlərə görə 15 hesabın sahibi barədə məlumat hüquq-mühafizə orqanlarına verilib.
2024-cü ildə ümumilikdə 458 tennisçi təhqir və təhdid alıb. Aşkarlanan təhqirlərin 26%-i isə yalnız beş idmançıya aid olub. Tennisçilər özləri isə il ərzində 56 dəfə təhdidlə bağlı şikayət göndəriblər. Təhdidlərin 77%-i oyunlara pul qoyuluşu edən şəxslərdən gəlib.
İdman.biz
