Bu gün “Australian Open” tennis turnirinin seçmə mərhələsinin ikinci günü keçirilir.
İdman.Biz-in məlumatına görə, ilin ilk “Böyük Dəbilqə” turnirinin oyunları “Melburn Park”da eyni vaxtda bir neçə arenada təşkil olunur.
Onlardan biri Avstraliyanın ən böyük tennisçilərindən birinin şərəfinə adlandırılan “Rod Leyver Arena”dır. Leyver təqvim ili ərzində “Böyük Dəbilqə”nin bütün dörd turnirini iki dəfə qazanan yeganə tennisçilərdən biridir. O , bu uğura 1962 və 1969-cu illərdə imza atıb.
Melburnda keçirilən nümayiş matçında qazaxıstanlı Yelena Rıbakina və italiyalı Jasmine Paolini korta çıxıblar. Hər iki tennisçi əsas mərhələdə yaxşı oyun nümayiş etdirəcəklərinə söz verib və azarkeşlərə dəstəyə görə təşəkkür ediblər.
