Qadın həndbolçulardan ibarət “Kür” klubunun EHF Avropa Kubokunun üçüncü mərhələsindəki rəqibi müəyyənləşib.
İdman.Biz xəbər verir ki, Azərbaycan təmsilçisi Şimali Makedoniyanın paytaxtı Skopyedən olan “Çair” klubu ilə üz-üzə gələcək.
“Çair” 2024/2025 mövsümündə EHF Avropa Kubokunda tarixinin ən yaxşı nəticəsinə imza ataraq ilk dəfə 1/8 finala yüksəlib.
“Kür” isə hazırkı mövsümdə klub tarixinin rekordunu müəyyənləşdirib. Mingəçevir təmsilçisi ikinci raundda Kiprin APOEL klubunu hər iki oyunda böyük hesabla məğlub edib - 40:18 və 39:13. Turnirin birinci raundu keçirilməyib. Bu qələbələr sayəsində “Kür” tarixində ilk dəfə avrokuboklarda qalib gəlib və üçüncü mərhələyə vəsiqə qazanıb.
Qeyd edək ki, üçüncü mərhələnin oyunları noyabrın 7-8-də və 14-15-də keçiriləcək. Bu mərhələdə birbaşa üçüncü raunda vəsiqə qazanan 10 klub da daxil olmaqla, ümumilikdə 32 komanda mübarizə aparacaq. Cütlərin qalibi 2027-ci ilin yanvarında baş tutacaq 1/8 finala yüksələcək.
