Bakıda Avropa Gimnastikasının (EG) təşkilatçılığı ilə batut və tamblinq üzrə yay təlim-məşq toplanışı start götürüb.
İdman.biz xəbər verir ki, hazırlıq Milli Gimnastika Arenasında beynəlxalq ekspertlərin və məşqçilərin nəzarəti altında keçirilir.
Toplanışda 140-a yaxın idmançı, o cümlədən Luiş Nuneş (Portuqaliya), Cenni Soderlund (İsveç), tamblinq üzrə Azərbaycan yığmasının məşqçisi Adil Hüseynzadə və başqaları iştirak edir.
Təlim-məşq toplanışı zamanı müxtəlif ölkələrin komandaları təcrübəli mütəxəssislərin rəhbərliyi altında təlim-məşq toplanışı keçmək və mövsümün ikinci yarısına hazırlaşmaq imkanı əldə edirlər.
Avqustun 2-dək davam edəcək düşərgəyə 11-18 yaşlı gimnastlar qatılıblar.
İdman.biz
