Yeddiqat dünya çempionu və “Ferrari” pilotu Lyuis Hemiltonun atası Entoni Hemilton öz yarış seriyasını başlatmağı planlaşdırır.
İdman.Biz bildirir ki, bu barədə Reddit-də məlumat verilib.
Britaniya Ticarət nişanları reyestrinə görə, Entoni Hemilton aşağıdakı adları qeydiyyatdan keçirib: HybridV10, Hybrid World Series, Hybrid World Commission, Hybrid Grand Prix, HybridV10 World Motorsport Festival və HybridV8.
Seriyanın rəsmi saytına görə, çempionatın 2026-cı ildə elan edilməsi gözlənilir. Seriyanın adına əsasən, yarış çempionatında 10 silindrli hibrid mühərriklərlə təchiz olunmuş avtomobillər iştirak edəcək. Bunun kuza, yoxsa açıq təkərli seriya olacağı hələlik məlum deyil.
