Minifutbol üzrə milli komandamızın üzvü Xətai Bağırovun Futbolxeber.az saytına müsahibəsi
- Uğursuz startdan sonra milli komandamız Sloveniyanı məğlub etdi. 4:0 hesablı qələbəni necə şərh edərdiniz?
- Oyuna ciddi hazırlaşmışdıq. İlk matç çətin keçmişdi. Bu da ot örtüyü ilə əlaqədar idi. Meydan amili oyunumuza təsir eləmişdi. Sonradan söhbəti tutduq ki, necə oynamaq lazımdır.
- İlk matçdakı heç-heçədən sonra komandada psixoloji gərginlik yaranmamışdı?
- İlk matçlar həmişə çətin keçir. Ona görə də psixoloji cəhətdən uğursuz nəticənin üzərindən atırsan. İkinci matçda göstərdik ki, hazırıq. Yaxşı oyunla qələbə qazandıq.
- Son turda Mavritaniya ilə matçda qrup qalibi müəyyənləşəcək. Şansları necə dəyərləndirirsiniz?
- Üçüncü turda liderliyi tam təmin edəcəyik. Artıq özümüzə inam qayıdıb. İnanırıq ki, azarkeşlərimizin dəstəyi ilə yaxşı nəticə qazanacağıq.
- Azarkeşlərdən söz düşmüşkən, onlara sözünüz var?
- Hər oyunda bizə əla dəstək verirlər. Buna görə onlara minnətdaram. Finala qədər bizi dəstəkləsinlər. Biz də çalışacağıq ki, fanatları final və ya kubokla sevindirək.
- Konkretləşdirək: məqsəd finaldır, yoxsa kubok?
- İlk məqsədimiz finala yüksəlməkdir. Finalda da son addımı atmalıyıq ki, qalib olaq.
- Millimizin potensialı buna imkan verir?
- Əlbəttə. Daha əvvəl Avropa çempionu olmuşuq, indi də dünya çempionu olmağın vaxtıdır.
- Rəqiblərin oyunlarını izləyirsiniz?
- Bəli, baxırıq. Bundan sonrakı potensial rəqiblərimizi analiz edirik. İnanırıq ki, hər şey yaxşı olacaq.
İdman.biz
