“Mançester Yunayted” Kazemironun əməkhaqqısını azaldır

İngiltərənin “Mançester Yunayted” klubu braziliyalı futbolçu Kazemiro ilə mövcud şərtlərlə müqaviləni uzatmağı planlaşdırmır.

İdman.Biz xəbər verir ki, bu barədə məlumatı insayder Fabritsio Romano paylaşıb.

Məlumatda qeyd olunur ki, futbolçunun həftəlik maaşı təxminən 300 min funt sterlinq təşkil edir.

Klub yarımmüdafiəçiyə əməkhaqqının azaldılması ilə bağlı yeni təklif irəli sürüb. Əgər tərəflər razılığa gəlməsələr, ayrılıq qaçılmaz olacaq.

Qeyd olunur ki, Kazemironun artıq bir neçə təklifi var. Onların arasında Səudiyyə Ərəbistanından gələn və daha sərfəli maliyyə şərtləri təklif edən variantlar da mövcuddur.

İdman.Biz