Belçika Pro Liqasının (Belçikanın futbol klublarının yarışdığı yüksək liqa – red.) 11-ci turu çərçivəsində keçirilən “Standard”-“Antverpen” oyunu azarkeşlərin səbəb olduğu insident üzündən vaxtından əvvəl dayandırılıb.
İdman.Biz xəbər verir ki, matçın birinci dəqiqəsində Rafiqi Saidin vurduğu qolla “Standard” 1:0 hesabı ilə öndə olub.
Ancaq 87-ci dəqiqədə “Antverpen” azarkeşləri hakimlərə tərəf plastik stəkanlar atmağa başlayıblar. Hadisədən sonra baş hakim qarşılaşmanı dayandırmaq qərarına gəlib.
Daha sonra görüş bərpa olunmayıb. İndi meydan sahiblərinə (“Standard”) texniki məğlubiyyət verilə bilər.
