“Mançester Yunayted” rəhbərliyi klubun mümkün satışına dair yayılan məlumatları təkzib edib.
İdman.Biz BBC-yə istinadən xəbər verir ki, klub rəhbərliyi yeni investorla danışıqlar aparıldığı barədə xəbərləri etibarsız adlandırıb.
“Mançester Yunayted”in hazırkı sahibləri - Qlazer ailəsi azarkeşlər tərəfindən uzun illərdir klubun idarəetmə siyasətinə görə tənqid olunur.
Xatırladaq ki, daha əvvəl Səudiyyə Ərəbistanı kralının müşaviri Turki Əl-Şeyx “Mançester Yunayted”in satışının gündəmdə olduğunu bildirmişdi.
