“Yarışlarda 46 kiloqram çəki dərəcəsində iştirak edirəm. Qazaxıstan idmançısı ilə döyüş çətin oldu. Bütün gücümlə mübarizə apardım və qalib gəldim”.
İdman.biz AZƏRTAC-a istinadən xəbər verir ki, III MDB Oyunlarının Yevlax Olimpiya Kompleksində təşkil olunan boks yarışında çıxış edən Əli Ruşanov deyib.
O bildirib ki, yarımfinalda Rusiya idmançısı ilə qarşılaşacaq: “Bu qarşılaşmada da qalib gələcəyimə inanıram. Yarışlarda birinci yerə çıxıb, bayrağımızı yüksəltmək əzmindəyəm”.
