Azərbaycan Basketbol Liqasının VII turunda daha üç matç baş tutacaq.
İdman.Biz xəbər verir ki, həm A, həm də B qruplarında önəmli oyunlar azarkeşlərin diqqətində olacaq.
Günün ilk görüşləri saat 14:00-da başlanacaq. A qrupunda “Gəncə” “Abşeron Lions”la, B qrupunda isə “Ordu” komandası “Quba” ilə üz-üzə gələcək.
A qrupunun digər qarşılaşması NTD ilə “Sabah” arasında saat 18:00-da start götürəcək.
Turun “Şəki” – “Neftçi” matçı isə qeyri-müəyyən müddətə təxirə salınıb.
Bundan əvvəl keçirilmiş görüşlərdə “Lənkəran” “Sərhədçi”ni 83:78, “Naxçıvan” isə “Sumqayıt”ı 116:99 hesabı ilə məğlub edib.
