"Kubok oyunumuzu Xankəndidə keçirilmək ehtimalı 90 faiz, bəlkə də daha azdır. Hələlik bizə yekun məlumat verilməyib".
İdman.biz xəbər verir ki, bunu "Qarabağ"ın baş məşqçisi Qurban Qurbanov Azərbaycan kubokunun 1/8 finalında MOİK-lə matçın Xankəndidə keçirilməsi ehtimalından danışarkən deyib.
Təcrübəli mütəxəssis bildirib ki, işğaldan azad olunan tarixi şəhərimizdə sevə-sevə oynayarlar: "Uzun illərdən sonra Xankəndidə yaxşı oyun, azarkeşlər önündə maraqlı futbol göstərmək istəyərdik. Hələ vaxta var. Qarşıdakı günlərdə yəqin ki, dəqiq məlumat olacaq".
Qeyd edək ki, "Qarabağ" MOİK-lə dekabrın 19-da qarşılaşacaq.
Emin Ağa
İdman.biz
