Bu gün Bakıda Azərbaycan Kamandan oxatma üzrə ölkə birinciliyi və çempionatına start verilib.
İdman.biz xəbər verir ki, yarışda ölkənin müxtəlif bölgələrini təmsil edən 60-dan çox idmançı iştirak edir.
Turnirdə kişi və qadın oxatanlar üç yaş kateqoriyası üzrə mübarizə aparırlar.
İştirakçılar hazırlıq məqsədilə məşq sessiyalarında qüvvələrini sınayıblar.
Yarış avqustun 29-da sıralama atışları ilə davam edəcək. Final mərhələsi isə avqustun 30-da baş tutacaq. Həmin gün çempionatın qalibləri müəyyən olunaraq mükafatlandırma mərasimi keçiriləcək.
İdman.biz
