Yunanıstanın "Olimpiakos" klubu Moskva "Spartak"ının hücumçusu Manfred Uqalde ilə maraqlanır.
İdman.Biz bu barədə "Gazzetta"ya istinadən məlumat verir.
Yunanıstan klubu hücum xəttini gücləndirməlidir. "Spartak" kostarikalı futbolçunun transferi üçün əhəmiyyətli maliyyə təzminatı tələb edir. Lakin, hücumçu Livaj Qarsiyanı artıq "Panatinaikos"a icarəyə verdiyi üçün əvvəlcə başqa bir hücumçu tapmaq istəyir.
Uqalde 2024-cü ilin yanvar ayından "qırmızı-ağlar"da çıxış edir. Bu mövsüm hücumçu klubun heyətində bütün yarışlarda beş oyunda meydana çıxıb və üç qol vurub. Transfermarkt-ın məlumatına görə, onun transfer dəyəri 12 milyon avrodur.
